UNHA MINA DE EXELENCIA PARA A UE
A UE sinalou o proxecto de Mina Doade como estratéxico debido a:
- A importancia económica da materia prima. O litio é crítico en sectores clave para a UE, como a automoción, a tecnoloxía e a industria.
- O risco de subministro. Considérase que é alto porque a produción e as importacións están concentradas en países con alta inestabilidade política, ou cando o material é difícil de reciclar ou substituír.
A inclusión de Mina Doade entre os 47 seleccionados pola UE no primeiro listado de Proxectos Estratéxicos segundo CRMS pon de manifesto a calidade técnica do proxecto presentado por Recursos Minerales de Galicia, S.A., o seu compromiso coa minaría sostible e a súa relevancia para o futuro de Europa.
o litio constrúe europa
O Regulamento de Materias Primas Críticas da Unión Europea 2024/1252 (CRMA), que entrou en vigor en maio de 2024, ten como obxectivo diversificar e asegurar o subministro de materias primas estratéxicas.
En Europa hai reservas probadas e a UE quere incentivar a extracción e produción propia para garantir a independencia da industria do continente. España é un dos países que dispón de evidencias significativas de litio potencialmente extraíble en Galicia, Estremadura e Castela e León. Tamén no norte de Portugal existen proxectos de extracción.
beneficios de mina doade para galicia
Segundo os plans da UE, os Proxectos Estratéxicos contarán con importantes beneficios. Accederán a canais e procesos de autorización máis áxiles e terán prioridade á hora de ser financiados. Todo isto, mantendo os prazos legais esixidos polas lexislacións nacionais.
Unha das vantaxes é a posibilidade de obter permisos nun máximo de 27 meses, acelerando así a viabilidade do proxecto e asegurando un subministro máis estable de litio.
É crucial entender que este proxecto non só implica o desenvolvemento económico da rexión, senón tamén unha contribución significativa á seguridade do subministro de materias primas estratéxicas para toda Europa.
Este paso reforza o compromiso do proxecto cos estándares europeos e a súa aliñación cos obxectivos estratéxicos da UE en termos de subministro de materias primas.
A minaría de litio en Doade-Beariz non só colocará a Galicia como un punto clave no mapa das materias primas críticas, senón que tamén contribuirá á sostibilidade e descarbonización da economía europea.
